काँग्रेसच्या भ्रष्टाचाराची सूची लांबलचक आहे ! – छ. उदयनराजे भोसले

पुरावे गायब करण्याची काँग्रेसची पहिल्यापासूनच परंपरा आहे. पुरावे सोडून द्या, लोक गायब करण्याची परंपरा काँग्रेसची आहे. गायब होणे हे असे सहजासहजी घडत नाही. काँग्रेसमध्ये एखादा व्यक्ती जर पुढे जात असेल, तर अशी गायब होण्याची अनेक उदाहरणे देता येतील. हा योगायोग नक्कीच नाही. राजेश पायलट, माधवराव शिंदे, वाय.एस्. रेड्डी हेसुद्धा काँग्रेसमधीलच होते, पण ते नावारूपाला आल्यानंतर त्यांचा अपघात झाला, ही अपघाताची मालिका म्हणजे त्यांच्यावर बारकाईने विचार करण्यासारखी गोष्ट आहे, असा आरोप छत्रपती उदयनराजे भोसले यांनी केला.