Nigerian Attack Bengaluru Police : बेंगळुरू (कर्नाटक) येथे नायजेरियाच्या नागरिकांकडून पोलिसांवर आक्रमण

बेंगळुरू (कर्नाटक) – शहरात नायजेरियाच्या नागरिकांकडून माहिती गोळा करण्यासाठी आलेल्या पोलिसांवर त्या नागरिकांनी आक्रमण केल्याची घटना मावळ्ळीपूर येथे १९ एप्रिलच्या मध्यरात्री घडली. यात ४ पोलीस घायाळ झाले. या प्रकरणी पोलिसांनी ८ जणांना अटक केली आहे.

पोलीस आणि नायजेरियाचे नागरिक यांच्यामध्ये प्रथम वाद झाला. त्यानंतर या नागरिकांनी त्यांच्या अन्य लोकांना दूरभाष करून घटनास्थळी बोलावले. ते दुचाकीवरून तेथे पोचल्यावर त्यांनी पोलिसांना दांडक्यांनी मारहाण केली. पोलीस गाडीत बसून पळू लागल्यावर त्यांच्यावर दगडफेक केली. या प्रकरणी पोलीस आरोपींचा शोध घेत आहेत.