अयान पठान याच्याकडून हिंदु प्रेयसीला अमानुष मारहाण; जखमांवर तिखट टाकले !

गुना (मध्यप्रदेश) येथील भयावह घटना !

भोपाळ (मध्यप्रदेश) – राज्यातील गुना जिल्ह्यात अयान पठान नावाच्या एका मुसलमान युवकाने एका हिंदु मुलीला प्रेमाच्या जाळ्यात ओढले. मुलीच्या आईचा याला विरोध होता. त्यामुळे मुलगी घर सोडून शेजारीच रहात असलेल्या अयानकडे गेली. त्याने तिला घरात बंधक बनवून तिच्यावर बलात्कार केला. तिची वडिलोपार्जित संपत्ती त्याच्या नावे करण्यासाठी तो तिच्यावर दबाव आणू लागला. याला विरोध केल्याने त्याने तिला मारहाण करणे आरंभिले. मारहाण केल्यावर तिच्या जखमांवर तो तिखट टाकत असे. १ महिना हा प्रकार चालू होता. १६ एप्रिलच्या रात्री अयानने तिला पुन्हा अमानुष मारहाण केली. त्यात ती घायाळ झाले. तिने ओरडू नये, यासाठी त्याने ‘फेविक्विक’ने तिचे ओठ चिकटवले. शेवटी त्याच रात्री ती घर सोडून पळून जाण्यात यशस्वी झाली. ५ किलोमीटर चालत जाऊन ती पोलीस ठाण्यात पोचली. तिची गंभीर स्थिती पाहून पोलिसांनी अयानच्या विरोधात गुन्हा नोंदवून त्याला अटक केली आहे. पीडितेच्या आईने तिला जिल्हा रुग्णालयात भरती केले आहे.