लागवडीच्या ठिकाणी असलेल्या घरात देवघर बनवून तिथे प्रतिदिन पूजा करू लागल्यावर साधकांना आलेल्या अनुभूती !
१. ‘लागवड सेवेच्या ठिकाणी असलेल्या घरात देवघर असायला हवे’, असा विचार सेवा करणार्‍या तिघांच्याही मनात आल्यावर रात्री जागून देवघर बनवणे
‘आम्हा तिघांना (श्री. रोहिदास कोरगावकर, श्री. निंगराज सनदी आणि ६५ टक्के आध्यात्मिक पातळीचे श्री. घनशाम गावडे यांना) लागवड सेवेसाठी पाठवले होते. आम्हाला लागवडीच्या ठिकाणी रहाण्यासाठी घर आहे; मात्र त्यात देवघर नव्हते. ‘येथे देवघर पाहिजे’, असा विचार आम्हा तिघांच्याही मनात आला. त्याच दिवशी आम्ही तिघांनी मिळून रात्री ८ ते मध्यरात्री १ वाजेपर्यंत देवघर बनवून पूर्ण केले आणि त्यात गुरुदेवांचे छायाचित्र ठेवले.
२. देवघर बनवल्यावर आलेल्या अनुभूती !
अ. पूजा करतांना ‘गुरुदेवांच्या छायाचित्राच्या ठिकाणी प्रत्यक्ष प.पू. गुरुदेव बसले असून आम्ही त्यांच्या चरणांवरच फुले वहात आहोत’, असा भाव आमच्या मनात निर्माण होतो.
आ. प्रतिदिन पूजा आणि आरती करू लागल्यावर आम्हाला येथील देवघरात, घरात आणि लागवडीत देवाचे अस्तित्व जाणवते.
इ. प्रतिदिन पूजा करू लागल्यापासून आम्हाला चैतन्य मिळत आहे. लागवडीत सेवा करून थकून आम्ही घरात आल्यावर ‘आमचा थकवा उणावून आम्हाला शक्ती मिळते’, असे आम्हाला जाणवते.
ई. सेवेसाठी येथे येणार्‍या अन्य साधकांनाही देवघर, लागवडीतील घर आणि पूर्ण लागवड येथे प.पू. गुरुदेवांचे अस्तित्व जाणवते.’
– श्री. घनशाम गावडे (आध्यात्मिक पातळी ६५ टक्के), सनातन आश्रम, रामनाथी, गोवा. (३१.१.२०२४)
|