UP Terriorists Arrested : उत्तरप्रदेशातून ३ जिहादी आतंकवाद्यांना अटक

महराजगंज (उत्तरप्रदेश) – उत्तरप्रदेश आतंकवादविरोधी पथकाने येथून ३ जिहादी आतंकवाद्यांना अटक केली आहे. यात २ पाकिस्तानी आहेत, तर एक काश्मीरमधील आहे. या तिघांना नेपाळमधून भारतात घुसखोरी करतांना अटक करण्यात आली. या तिघांनी पाकची गुप्तचर संस्था आय.एस्.आय.च्या साहाय्याने आतंकवादी संघटना हिजबुल मुजाहिदीनकडून आतंकवादी कारवायांचे प्रशिक्षण घेतल्याचे सांगण्यात येत आहे. त्यांच्या अटकेनंतर भारत-नेपाळ सीमेवर अतीदक्षतेची चेतावणी देण्यात आली आहे.

सौजन्य Aaj Tak

याविषयी पोलिसांनी सांगितले की, गेल्या काही महिन्यांपासून आय.एस्.आय. पाकिस्तानी नागरिकासह आणखी काही आतंकवाद्यांना भारतात पाठवण्याच्या सिद्धतेत असल्याची माहिती मिळत होती. निवडणुकीतील हे आतंकवादी घातपात करू शकतात, अशी माहिती होती. यासाठी तिघांनाही पाकिस्तानात असलेल्या हिजबुल मुजाहिदीनच्या तळावर प्रशिक्षण देण्यात आले होते. तिघांचीही चौकशी चालू आहे.