PoK Not Part Of Pakistan : पाकव्याप्त जम्मू-काश्मीर पाकचा घटनात्मकदृष्ट्या भूभाग नाही !

पाकव्याप्त काश्मीरमधील संघटनेच्या नेत्याची स्पष्टोक्ती

इस्लामाबाद (पाकिस्तान) – पाकव्याप्त जम्मू-काश्मीर हा घटनात्मकदृष्ट्या पाकिस्तानचा भूभाग नाही, असे विधान पाकव्याप्त काश्मीरमधील प्रमुख शहर मीरपूर येथील अवामी कृती समितीचे प्रमुख नेते आरिफ चौधरी यांनी केले. ते पत्रकार परिषदेत बोलत होते.

आरिफ चौधरी पुढे म्हणाले की, पाकिस्तानी प्रशासन पाकव्याप्त काश्मीरमधील लोकांना चांगली वागणूक देत नाही किंवा त्यांच्या गरजा पूर्ण करत नाही. या भागांतील लोक अनेक दशकांपासून दडपशाही, दुर्लक्ष आणि त्रास सहन करत आहेत. आम्हाला लुटले जात आहे. बलपूर्वक विस्थापित केले जात आहे. पाकिस्तान येथील लोकांवर अत्याचार करत आहे. पाकिस्तानच्या घटनेच्या कलम २५७ नुसार पाकव्याप्त काश्मीर हा पाकिस्तानचा भाग नाही. या भागाबाबत भारत आणि पाकिस्तान यांच्यामध्ये वर्ष १९४० च्या दशकात संयुक्त राष्ट्रांच्या ठरावात करार झाला होता. या अंतर्गत, २६ खटल्यांवर निर्णय घेण्याचे अधिकार पाकव्याप्त काश्मीरमधील लोकांना देण्यात आले होते; परंतु लोकांना अद्याप हे अधिकार मिळालेले नाहीत.

भारत सरकार वेळोवेळी पाकव्याप्त काश्मीर परत घेण्याविषयी बोलत आहे. वर्ष २०१४ मध्ये केंद्रात नरेंद्र मोदी यांच्या नेतृत्वाखाली भाजपचे सरकार स्थापन झाल्यानंतर आणि जम्मू-काश्मीरमधून कलम ३७० हटवल्यानंतर पाकव्याप्त काश्मीर परत घेण्याची मागणी जोरकसपरे केली जात आहे.