आनंदी, प्रेमळ आणि साधकांचे त्रास दूर करण्यासाठी रात्रंदिवस धडपडणारे सद्गुरु डॉ. मुकुल गाडगीळ !

१. प्रेमभाव

‘सद्गुरु डॉ. मुकुल गाडगीळकाका फार प्रेमळ आहेत. ते लहानांपासून थोरांपर्यंत सगळ्यांनाच आपलेसे वाटतात. त्यांचा प्रेमळपणा पाहून मला परात्पर गुरु डॉक्टरांची आठवण येते. ‘सद्गुरु गाडगीळकाका ही प.पू. गुरुदेवांची प्रतिकृतीच आहेत’, असे मला वाटते.

२. सद्गुरु गाडगीळकाकांचा चेहरा फार तेजस्वी दिसतो. ‘त्यांच्याकडून प्रकाश प्रक्षेपित होत आहे’, असे मला जाणवते.

३. ते एखाद्या बालकाप्रमाणे निरागस आणि आनंदी आहेत.

४. साधकांचे त्रास दूर करण्यासाठी रात्रंदिवस धडपडणे

सद्गुरु गाडगीळकाकांनी सांगितलेले नामजपादी उपाय केल्याने अनेक जणांचे त्रास न्यून झाले आहेत. सद्गुरु काका स्वतः विश्रांती न घेता सतत सेवा करत असतात. त्यांना केव्हाही नामजपादी उपाय विचारले, तरी ते न कंटाळता तत्परतेने उपाय सांगतात. आपण सद्गुरु गाडगीळकाकांना होणार्‍या त्रासांच्या संदर्भात विचारल्यावर काही क्षणांतच ते उपाय शोधतात आणि त्यानुसार जप, मुद्रा अन् जपाचा कालावधी कळवतात. प्रसंगी ते स्वतः साधकांसाठी नामजपादी उपाय करतात. ते नवनवीन प्रयोग करून साधकांचे त्रास दूर होण्यासाठी उपाय शोधतात.

‘सद्गुरु गाडगीळकाकांना उदंड आयुष्य मिळो’, हीच ईश्वरचरणी प्रार्थना आहे.’

– सोै. अनुपमा जोशी (आध्यात्मिक पातळी ६४ टक्के, वय ७० वर्षे), सनातन आश्रम, रामनाथी, गोवा. (७.४.२०२२)

आध्यात्मिक त्रास : याचा अर्थ व्यक्तीमध्ये नकारात्मक स्पंदने असणे. व्यक्तीमध्ये नकारात्मक स्पंदने ५० टक्के किंवा त्यांहून अधिक प्रमाणात असणे, म्हणजे तीव्र त्रास, नकारात्मक स्पंदने ३० ते ४९ टक्के असणे, म्हणजे मध्यम त्रास, तर ३० टक्क्यांहून अल्प असणे, म्हणजे मंद आध्यात्मिक त्रास असणे होय. आध्यात्मिक त्रास हा प्रारब्ध, पूर्वजांचे त्रास आदी आध्यात्मिक स्तरावरील कारणांमुळे होतो. आध्यात्मिक त्रासाचे निदान संत किंवा सूक्ष्म स्पंदने जाणू शकणारे साधक करू शकतात.
सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.
सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक

Menu

१. प्रेमभाव

२. सद्गुरु गाडगीळकाकांचा चेहरा फार तेजस्वी दिसतो. ‘त्यांच्याकडून प्रकाश प्रक्षेपित होत आहे’, असे मला जाणवते.

३. ते एखाद्या बालकाप्रमाणे निरागस आणि आनंदी आहेत.

४. साधकांचे त्रास दूर करण्यासाठी रात्रंदिवस धडपडणे