गेल्या ५ वर्षांत ० ते १८ वर्षे वयोगटातील १५ सहस्र २६२ मुलांचा मृत्यू !

राज्यासह मुंबईत बालमृत्यूची समस्या गंभीर !

मुंबई – येथे ० ते पाच आणि १० ते १८ वर्षे वयोगटांमध्ये दगावणार्‍या मुलांची संख्या वाढत आहे. मुंबई महापालिकेच्या सार्वजनिक आरोग्य विभागाने दिलेल्या माहितीनुसार वर्ष २०१९ ते २०२३ या कालावधीमध्ये ० ते ५ वयोगटातील ९ सहस्र ९६१ मुलांचा, तर १० ते १८ वर्षे वयोगटातील ५ सहस्र ३०१ मुलांचा मृत्यू झाला. दोन्ही वयोगटांतील बालकांच्या एकत्रित मृत्यूची एकूण संख्या १५ सहस्र २६२ इतकी आहे.

या मृत्यूमागे मातेचे होणारे कुपोषण, गर्भामधील व्यंग, मुदतपूर्व प्रसूती, योग्य वेळी आजाराचे निदान न होणे, तसेच असंसर्गजन्य आजार अशी अनेक कारणे आहेत. विलंबाने होणारे विवाह, प्रसूती या कारणांमुळे मुलांचे मुदतपूर्व जन्माला येण्याचे प्रमाण वाढत आहे. वंध्यत्वाच्या समस्येमुळे चाळीशीनंतर गर्भधारणा झाल्यास मुदतपूर्व प्रसूती होते.