Shivaraj Tangadagi Controversial Statement : पंतप्रधान मोदी यांचा जयघोष करणार्‍या विद्यार्थ्यांना थप्पड मारा ! – कर्नाटकातील मंत्री शिवराज तंगदागी

बेंगळुरू (कर्नाटक) – पंतप्रधान मोदी यांनी २ कोटी नोकर्‍यांचे आश्‍वासन दिले होते; परंतु ते पूर्ण केले नाही. ‘मोदी-मोदी’ असा जयघोष करणार्‍या त्यांच्या तरुण समर्थकांना आणि विद्यार्थ्यांना थप्पड मारायला हवी, असे विधान कर्नाटकातील काँग्रेस सरकारमधील सांस्कृतिक मंत्री शिवराज तंगदागी यांनी २५ मार्च या दिवशी कोप्पल जिल्ह्यातील निवडणूक प्रचाराच्या वेळी केले. या प्रकरणी कर्नाटकमधील विरोधी पक्षनेते आणि भाजपचे नेते आर्. अशोक यांनी शिवराज यांच्या विरोधात निवडणूक आयोगात तक्रार प्रविष्ट (दाखल) केली आहे.

शिवराज तंगदागी पुढे म्हणाले की, भाजप निवडणुकीत प्रचार करत आहे. आता ते कोणत्या तोंडाने मते मागत आहेत ? विद्यार्थ्यांनी रोजगार मागितला, तर भजी विकायला सांगतात. भाजपला लाज वाटली पाहिजे.