Dattatreya Hosabale RSS:दत्तात्रेय होसबाळे यांनी पुन्हा रा.स्व. संघाच्या सरकार्यवाहपदी निवड !

कोण आहेत दत्तात्रेय होसबाळे ?

दत्तात्रेय होसबाळे हे कर्नाटकातील शिवमोग्गा येथील रहिवासी आहेत. होसबाळे यांनी बेंगळुरू विद्यापिठातून इंग्रजीमध्ये पदव्युत्तर शिक्षण घेतले. १ डिसेंबर १९५५ या दिवशी जन्मलेले होसबाळे यांनी वर्ष १९६८ मध्ये वयाच्या अवघ्या १३ व्या वर्षी राष्ट्रीय स्वयंसेवक संघात प्रवेश केला. वर्ष १९७२ मध्ये अखिल भारतीय विद्यार्थी परिषदेत सहभागी झाले. होसबाळे हे अभाविप कर्नाटकचे राज्य संघटन मंत्री होते. यानंतर ते अभाविपचे राष्ट्रीय मंत्री आणि सहसंघटन मंत्री होते. ते सुमारे २ दशके अभाविपचे राष्ट्रीय संघटन मंत्री होते. यानंतर २००२-०३ च्या सुमारास त्यांना संघाचे अखिल भारतीय सह-बौद्धिक प्रमुख बनवण्यात आले. वर्ष २००९ पासून ते सह-अध्यक्ष होते. दत्तात्रेय होसबाळे यांना त्यांची मातृभाषा कन्नड व्यतिरिक्त इंग्रजी, तमिळ, मराठी, हिंदी, संस्कृतसह अनेक भाषांचे ज्ञान आहे. वर्ष १९७५-७७ च्या आणीबाणीविरोधी चळवळीतही सक्रीय होते. या काळात ते कारागृहातही गेले होते.