६७ टक्के आध्यात्मिक पातळीच्या श्रीमती दमयंती वालावलकर यांच्या मृत्यूनंतर ६१ टक्के आध्यात्मिक पातळीच्या सौ. संगीता लोटलीकर यांना जाणवलेली सूत्रे

१०.२.२०२४ या दिवशी ६७ टक्के आध्यात्मिक पातळीच्या श्रीमती दमयंती दामोदर वालावलकर (वय ८५ वर्षे) यांचे निधन झाले. त्या वेळी त्यांच्या घरी गेल्यानंतर सौ. संगीता लोटलीकर यांना जाणवलेली सूत्रे येथे दिली आहेत. आज त्यांच्या निधनाला १ मास होत आहे.

१. आजींच्या घरी गेल्यानंतर घरामध्ये प्रकाश वाढत असल्याचे जाणवले आणि हळूहळू त्याचे प्रमाणही वाढत गेले.

२. आजींच्या जवळच प.पू. गुरुदेवांचे जीवनदर्शन ही पुस्तिका होती. ती पांढरीशुभ्र झाली होती. मला ती निर्गुण झाल्याचे जाणवले.

३. तिथे त्यांचे नातेवाईक आले होते. तेसुद्धा बोलतांना देवींविषयी माहिती सांगत होते. त्यामुळे तेथे ‘सत्संगच चालू आहे’, असे मला वाटले.

४. आजींच्या अंगाला हात लावल्यावर ‘त्यांचा देह हलका झाला आहे’, असे मला जाणवले.

५. घरात दाब न जाणवता प्रसन्न वाटत होते.

६. माझा ‘निर्विचार’ हा नामजप चालू झाला आणि तो शांतपणे होत होता.

७. ‘आजींनी नामजप करतच देह सोडला असेल’, असे मला सारखे वाटत होते.’

– सौ. संगीता लोटलीकर (वय ६४ वर्षे), फोंडा, गोवा. (१३.२.२०२४)