Delhi Budget 2024 : रामराज्याचे स्वप्न पूर्ण करण्यासाठी आम्ही अहोरात्र परिश्रम घेत आहोत ! – देहलीच्या अर्थमंत्री आतिशी मार्लेना

देहलीच्या आपच्या अर्थमंत्र्यांचे हास्यास्पद वक्तव्य !

नवी देहली – या सभागृहात उपस्थित असलेले सर्व लोक प्रभु श्रीरामापासून प्रेरित आहेत. रामराज्याचे स्वप्न पूर्ण करण्यासाठी आम्ही गेल्या ९ वर्षांपासून अहोरात्र परिश्रम घेत आहोत. आम्ही देहलीतील लोकांना समृद्धी देण्याचा प्रयत्न केला आहे. अजून पुष्कळ काही करायचे आहे; पण गेल्या ९ वर्षांत आम्ही पुष्कळ काही केले आहे, असे वक्तव्य देहलीच्या अर्थमंत्री आतिशी मार्लेना यांनी केले.

मार्लेना यांनी ४ मार्च या दिवशी देहली विधानसभेत २०२४-२५ या वर्षासाठी ७६ सहस्र कोटी रुपयांचा अर्थसंकल्प सादर केला. त्या वेळी मार्लेना यांनी वरील विधान केले. त्या म्हणाल्या की, अर्थसंकल्पात १८ वर्षांवरील महिलांना प्रतिमहा १ सहस्र रुपये देण्याची आम्ही घोषणा करत आहोत. यासाठी सरकारने ‘महिला सन्मान योजना’ आणली आहे.