वलांडी घटनेच्या निषेधार्थ लातूर येथे हिंदू जनआक्रोश मोर्चा !

लातूर, ५ फेब्रुवारी (वार्ता.) – वलांडी येथील ६ वर्षांच्या चिमुकलीवर अल्ताफ कुरेशी या आरोपीने अनैसर्गिक अत्याचार केल्याच्या प्रकरणी शहरात सकल हिंदु समाजाच्या वतीने ५ फेब्रुवारी या दिवशी ‘हिंदू जनआक्रोश मोर्चा’ काढण्यात आला. हे प्रकरण जलदगती न्यायालयात चालवण्यात यावे आणि आरोपीला कठोर शिक्षा देण्यात यावी, अशी मागणी या वेळी करण्यात आली.

यासमवेतच पीडित कुटुंबियांस पोलीस संरक्षण देण्यात यावे, शासनाच्या वतीने समाजकल्याण विभाग, मनोधैर्य योजनेंतर्गत आर्थिक साहाय्य करण्यात यावे, पीडित बालिकेच्या पुनर्वसनाचा संपूर्ण खर्च शासनाने उचलावा, अशा विविध मागण्यांचे निवेदन जिल्हाधिकार्‍यांना देण्यात आले.