Pakistan Support Maldives : दिवाळखोर पाकचे मालदीवला ‘आर्थिक साहाय्य करू’, असे आश्‍वासन !

भारताने मालदीवला देण्यात येणार्‍या आर्थिक साहाय्यामध्ये केली कपात !

इस्लामबाद (पाकिस्तान) – भारताने मालदीवला दिलेले आर्थिक साहाय्य २२ टक्क्यांनी अल्प केल आहे. वर्ष २०२४-२५ आर्थिक वर्षात मालदीवच्या विकासासाठी केवळ ६०० कोटी रुपयांची तरतूद करण्यात आली आहे. गेल्या वर्षी ही रक्कम ७७० कोटी ९० लाख इतकी होती. विविध योजनांतर्गत हे साहाय्य दिले जात होते. भारताने साहाय्य घटवल्यानंतर पाकने मालदीवला विकास कामात आर्थिक साहाय्य देण्याचे आश्‍वासन दिले आहे. पाकचे काळजीवाहू पंतप्रधान अन्वर उल हक काकर यांनी मालदीवचे राष्ट्रपती महंमद मुइज्जू यांच्याशी दूरभाषवर चर्चा करतांना हे आश्‍वासन दिले.