मिरज येथे शंकराचार्य विद्यानृसिंह सरस्वती यांच्या शुभहस्ते नूतन श्रीराम मंदिरात ‘कलशारोहण आणि प्राणप्रतिष्ठा’ !

मिरज, २४ जानेवारी (वार्ता.) – येथील साईनंदन कॉलनी येथे बांधण्यात आलेल्या नवीन मंदिरात कोल्हापूर येथील करवीर पीठाचे शंकराचार्य विद्यानृसिंह सरस्वती यांच्या शुभहस्ते ‘कलशारोहण आणि श्रीरामाच्या मूर्तीची प्राणप्रतिष्ठा’ सोहळा २२ जानेवारी या दिवशी पार पडला. वेदमंत्रांसह विधीवत् मूर्ती प्राणप्रतिष्ठेच्या या सोहळ्यास सांगली जिल्ह्याचे पालकमंत्री डॉ. सुरेश खाडे, भाजपचे विधानसभा क्षेत्र प्रमुख श्री. मोहन वनखंडे, नगरसेविका सौ. अनिता वनखंडे यांसह अनेक जण उपस्थित होते. या निमित्ताने येथे महाआरतीचे आयोजन करण्यात आले होते. अयोध्या येथील श्रीराम मंदिराच्या लोकार्पणाच्या निमित्ताने येथील विविध मंदिरांमध्ये महिलांचे हळदीकुंकू, प्रवचन, महाआरती, श्रीरामरक्षास्तोत्र पठण, श्रीरामनाम संकीर्तन, तसेच मंदिर स्वच्छता अभियान पार पडले.