रामनाथी, गोवा येथील सनातनच्या आश्रमात झालेल्या एका शिबिरामध्ये आलेल्या अनुभूती
![](https://static.sanatanprabhat.org/wp-content/uploads/sites/3/2024/01/19214251/2023_aug_Yuraj_Gawakar_H_C.jpg)
१. शिबिरात एखादा विषय घेण्यापूर्वी ताण आल्यास प.पू. भक्तराज महाराज यांचे सूक्ष्मातून अस्तित्व जाणवणे आणि ते ‘मीच सेवा करून घेणार आहे’, असे सांगत असल्याचे जाणवणे : ‘मी शिबिरामध्ये विषय मांडतांना श्रीकृष्ण आणि प.पू. भक्तराज महाराज (प.पू. बाबा) यांना शरण जाऊन विषयाची सिद्धता करतो. शिबिर चालू होण्याच्या आधी अर्धा घंटा ‘शिबिराचा विषय श्रीकृष्णाला अपेक्षित असा होईल का ? त्यात काही अडचणी येणार नाहीत ना ?’, अशा प्रकारचे विचार येऊन मला ताण येतो. त्या वेळी लगेच मला बाजूला प.पू. बाबा झोपाळ्यावर भावावस्थेत बसलेले दिसायचे. जणू काही ते मला सांगत आहेत, ‘विषय घेण्याची सेवा तुझ्या माध्यमातून मीच करणार. तू केवळ माध्यम हो.’ तेव्हा मी शांत होऊन माझी सेवा एकाग्रतेने आणि भावपूर्ण व्हायची.
२. समाजात सत्संग घेतांना ‘मी ज्या आसंदीवर (खुर्चीवर) बसलो आहे, तेथे श्रीकृष्णच बसला आहे’, असे मला स्पष्ट दिसते.
‘आपले घर आश्रम होऊन त्यात आश्रमातील चैतन्य निर्माण होण्यासाठी आमच्याकडून प्रयत्न होऊ देत’, हीच गुरुचरणी प्रार्थना आहे.’
– गुरुसेवक, श्री. युवराज गावकर, डिचोली, गोवा. (ऑगस्ट २०२३)
|