मुंबईमध्ये आतंकवादविरोधी पथकाकडून ६ सशस्त्र संशयितांना अटक !

अयोध्या येथील श्रीराम प्राणप्रतिष्ठा सोहळ्याच्या पार्श्‍वभूमीवर घातपाताची शक्यता !

मुंबई – आतंकवादविरोधी पथकाने बोरीवली येथील ‘गेस्ट हाऊस’वर धाड टाकून ६ संशयितांना अटक केली आहे. ७ जानेवारीला ही कारवाई करण्यात आली. संशयितांकडे ३ पिस्तुले आणि बंदुकीच्या ३६ गोळ्या सापडल्या आहेत. पकडण्यात आलेले आरोपी देहली आणि उत्तरप्रदेश येथील आहेत.

२२ जानेवारी या दिवशी अयोध्या येथे होणारी श्रीरामाची प्राणप्रतिष्ठा आणि येऊ घातलेला प्रजासत्ताकदिन या पार्श्‍वभूमीवर ते घातपात करण्यासाठी आले असल्याचा संशय अन्वेषण यंत्रणांकडून व्यक्त करण्यात आला आहे. याविषयी आतंकवादविरोधी पथकाकडून अधिक अन्वेषण चालू आहे.