Israel Hamas War : इस्रायलच्या लेबनॉनमधील आक्रमणात हमासचा उपनेता ठार !

तेल अवीव (इस्रायल) : इस्रायली सैन्याने लेबनॉनमधील हिजबुल्लाच्या तळांवर ड्रोनद्वारे केलेल्या आक्रमणामध्ये हमासचा उपनेता सालेह अल-अरौरी ठार झाला.  हमासनेही याला दुजोरा दिला आहे. हमासचा नेता इस्माईल हनीये याने अरौरी याच्या मृत्यूचा सूड घेण्याची शपथ घेतली आहे. त्याने म्हटले की, या आक्रमणामुळे लेबनॉनच्या सार्वभौमत्वाला धक्का बसला आहे. आता जे काही होईल, त्याला इस्रायल स्वतः उत्तरदायी असेल.

(सौजन्य : ABC News)

आतापर्यंत २२ सहस्र पॅलेस्टिनींचा मृत्यू

गाझामधील हमासच्या आरोग्य मंत्रालयाने सांगितले की, इस्रायलच्या आक्रमणात आतापर्यंत २२ सहस्र पॅलेस्टिनी ठार झाले आहेत.