गडचिरोली येथे हत्तीने केलेल्या आक्रमणात महिला ठार !

गडचिरोली – शेतात आलेल्या हत्तींपासून वाचण्यासाठी निघालेल्या एका महिलेला हत्तीने चिरडून ठार केल्याची घटना जिल्ह्यातील आरमोरी तालुक्यातील शंकरनगर येथे २९ डिसेंबरला घडली. कौशल्या राधाकांत मंडल असे त्या मृत महिलेचे नाव आहे.

ही घटना घडली तेव्हा मृत महिलेचा पती, मुलगा आणि सूनही तिथे उपस्थित होते; पण हत्तीच्या क्रौर्यापुढे त्यांना काहीच करता आले नाही. या घटनेची माहिती मिळाल्यानंतर वनधिकार्‍यांनी ३० डिसेंबर या दिवशी घटनास्थळी येऊन पंचनामा केला. या जंगली हत्तींनी २ दिवसांपूर्वीच लगतच्याच पाथरगोटा येथे अनेक घरांची मोडतोड केली होती. त्यानंतर मंडल यांचे घर आणि झोपडपट्टी यांचीही हत्तींनी नासधूस केली.