भूमी मंदिराच्या अखत्यारीत असतांनाही कानिफनाथांची मूर्ती हटवण्याची धर्मांधांची मागणी !

गुहा येथे कानिफनाथ मंदिर असल्याचे सर्व पुरावे उपलब्ध आहेत ! – हरि आंबेकर, विश्‍वस्त, श्री कानिफनाथ महाराज मंदिर

श्री कानिफनाथ महाराजांनी मौजे गुहा, ता. राहुरी, जिल्हा नगर या गावी आले. त्यांनी या गावात, ध्यान, ज्ञान, वैराग्य या तिन्ही प्रकारच्या साधना करून गुहा ग्रामस्थांना हिंदु संस्कृतीची शिकवण दिली. त्यांनी मौजे गुहा गावाच्या पंचक्रोशीत ध्यानमंदिर, ज्ञानमंदिर आणि वैराग्य मंदिर यांची स्थापना केली होती. ध्यानमंदिरातून आपल्या अलौकिक शक्तीने गुप्त भ्रमण करण्यासाठी भुयारी मार्गही सिद्ध केला होता. तो अजूनही आहे. त्याचे अवशेषही आहेत; म्हणून या भुयारी मार्गामुळे ‘मौजे गुहा’ गावास ‘गुहा’ हे नाव पडले. याविषयीची ही हिंदु धर्मातील धर्मग्रंथ ‘श्री नवनाथ भक्तीसार’ या ग्रंथात नमूद केलेली आहे. हा महत्त्वाचा पुरावा आहे. या मंदिराची पुणे पुरालेखागार येथे पुरातन मोडी भाषेतील सनद आहे. ही सनद १३ फेब्रुवारी १८५४ या दिवशीची असून शंकर वा. बावाजी यांच्या सांगण्याप्रमाणे हे मंदिर श्री कानिफनाथ महाराजांचे हिंदु धर्मस्थळ आहे.

ग्रामपंचायत, तलाठी कार्यालय किंवा सिटी सर्वे येथे दर्ग्याची कुठलीही नोंद नाही. असे असतांना मुसलमान समाज दर्गा बांधण्याचा प्रयत्न करत आहे. कानिफनाथ देवस्थानच्या नावाने महसूल विभागात नोंद आहे.

संपादकीय भूमिका 

धर्मांध मुसलमान आणि वक्फ बोर्ड कशा प्रकारे हिंदूंच्या मंदिरांची भूमी गिळंकृत करत आहेत, याचे हे उदाहरण ! वक्फ बोर्डवर सरकारने कारवाई करण्यासाठी हिंदूंनी संघटित होण्याविना पर्याय नाही. सरकारने या प्रकरणाची त्वरित नोंद घेऊन कानिफनाथांचे भक्त आणि हिंदू यांना आश्वस्त करावे !