पोलीस कर्मचार्‍याच्या घरातून बंदुकीच्या ३० गोळ्यांसह पिस्तुलाची चोरी !

नागपूर येथे पोलीस वसाहतीतील घटना

नागपूर – येथील ‘राज्य राखीव पोलीस दला’च्या कमांडंटचे ‘गनमॅन’ (बंदूकधारी) असलेले मंगेश लांजेवार यांच्या घरात चोरी झाली आहे. त्यात मंगेश यांच्या बंदुकीच्या ३० गोळ्यांसह पिस्तूलही चोरीला गेले आहे. ही चोरी पोलीस वसाहतीत झाली. लांजेवार हे साप्ताहिक सुट्टीनिमित्त बाहेरगावी गेले होते. चोरट्यांनी मंगेश यांच्या घराचे कुलूप तोडून आत प्रवेश केला आणि कपाटाचे कुलूप तोडून वरील साहित्य चोरून नेले. या प्रकरणी गुन्हा नोंदवण्यात आला आहे.