USCIRF : (म्हणे) ‘अमेरिकेने भारतावर निर्बंध घालावेत !’ – अमेरिकेतील सरकारी संस्थेची मागणी
|
वॉशिंग्टन (अमेरिका) – ‘यूएस् कमिशन ऑन इंटरनॅशनल रिलिजियस फ्रीडम’ नावाच्या अमेरिकेच्या सरकारी संस्थेने ‘भारतात अल्पसंख्यांकांच्या धार्मिक स्वातंत्र्यावर सातत्याने आक्रमणे होत आहे’, असे सांगत सलग तिसर्‍या वर्षी भारतावर निर्बंध लादलण्याची मागणी केली आहे. या संस्थेकडून सातत्याने करण्यात येणार्‍या भारतविरोधी शिफारसींनंतरही जो बायडेन सरकारने भारताविरुद्ध कोणतीही कारवाई केलेली नाही. भारतातील अमेरिकी दूतावासाने या शिफारसीवर काहीही विधान केलेले नाही. त्याचबरोबर भारत हे आरोप सतत फेटाळत आहे.
🚨USCIRF is alarmed by India’s increased transnational targeting of religious minorities and those advocating on their behalf. USCIRF implores the @StateDept to designate #India a Country of Particular Concern (#CPC). https://t.co/ozyTeFQ0eJ
— USCIRF (@USCIRF) December 15, 2023
१. या संस्थेच्या म्हणण्यानुसार, भारत सरकार परदेशात वास्तव्य करणार्‍या भारतीय वंशाच्या अल्पसंख्यांकांना लक्ष्य करत आहे. यामुळे या संस्थेने ‘विशेष चिंता असलेल्या देशां’च्या सूचीमध्ये भारताचा समावेश करण्याची शिफारस केली आहे.
२. या संस्थेचे आयुक्त स्टीफन श्‍नेक यांनी कॅनडात खलिस्तानी आतंकवादी निज्जर याची हत्या आणि गुरपतवंत सिंह पन्नू याच्यावर आक्रमण करण्याच्या प्रयत्नांचा हवाला देत ‘ही अत्यंत चिंतेची गोष्ट आहे’, असे त्यांनी म्हटले आहे.
संपादकीय भूमिका
|