श्री कामाख्यादेवीच्या यागाच्या पूर्णाहुतीच्या दिवशी ‘अनिष्ट शक्ती यज्ञात पुष्कळ अडथळे आणत आहेत’, असे सूक्ष्मातून दिसणे आणि प्रार्थना केल्यामुळे यज्ञ प्रज्वलित होऊन आहुती स्वीकारणे

‘एकदा रामनाथी (गोवा) येथील सनातनच्या आश्रमात श्री कामाख्यादेवीचा याग झाला. पूर्णाहुतीच्या दिवशी यज्ञकुंडाच्या सभोवती मला पुष्कळ चैतन्य जाणवत होते. त्या वेळी मला दिसले, ‘सर्व दिव्यांमधून चैतन्य प्रक्षेपित होऊन ते यज्ञाकडे जात आहे’; परंतु यज्ञकुंडात अग्नी मंद गतीने प्रज्वलित होत होता. एकदा आहुती दिल्यावर धुराचे लोट येत होते. तेव्हा मला जाणवले, ‘बाहेरून अनिष्ट शक्तींचे संघटित आक्रमण होत असल्याने यज्ञकुंडातील ज्वाळा प्रज्वलित होत नव्हत्या. यज्ञ करणारे त्रस्त झाल्यावर त्या अनिष्ट शक्तींना पुष्कळ आनंद होत होता. या अडथळ्यांमुळे यज्ञ पूर्ण व्हायला एरव्हीपेक्षा ३ पट अधिक वेळ लागत होता; परंतु तळमळीने आणि कळकळीने प्रार्थना केल्यामुळे यज्ञ प्रज्वलित होत होता आणि आहुती स्वीकारल्या जात होत्या.’

यागाच्या दुसर्‍या दिवशी सकाळी १० ते ११ वाजण्याच्या सुमारास मला जाणवले, ‘कालच्या यज्ञात अडथळे आणू शकल्याने अनिष्ट शक्ती आश्रमाजवळील डोंगरावर विजयोत्सव साजरा करत आहेत. त्या विजयाचे झेंडे घेऊन अंगविक्षेप करत नाचत आहेत.’

– श्रीमती वसुधा कालिदास देशपांडे (वय ७२ वर्षे), सनातन आश्रम, रामनाथी, गोवा. (५.१.२०२१)