१० दिवसांत मराठी पाट्या न दिसल्यास मनसे आपल्या पद्धतीने उत्तर देईल !

मनसेची फिनिक्स मॉलला चेतावणी

मुंबई – येत्या १० दिवसांत मॉलमध्ये मराठी पाट्या न दिसल्यास मनसे आपल्या पद्धतीने उत्तर देईल, अशी चेतावणी मनसेने कुर्ला येथील फिनिक्स मॉलला दिली आहे.

मनसेच्या कार्यकर्त्यांनी मॉलमध्ये घुसून मराठी पाट्यांच्या सूत्रावर आंदोलन करण्याचा प्रयत्न केला; मात्र पोलिसांनी त्यांना अडवून कह्यात घेतले. या वेळी मनसैनिक आणि मॉल प्रशासन यांच्यामध्ये वाद झाला. यानंतर पोलिसांनी मनसैनिकांना कह्यात घेतले. काही वेळाने मनसैनिकांना समज देऊन सोडण्यात आले.