मुंबईत धर्मांध आणि उद्दाम मुसलमानांच्या विरोधात शेकडो हिंदू रस्त्यावर उतरले !
|
मुंबई, २५ नोव्हेंबर (वार्ता.) – कायदा धाब्यावर बसून कर्णकर्कश डी.जे.च्या आवाजात रात्री उशिरापर्यंत मिरवणूक काढणार्‍या धर्मांध आणि उद्दाम मुसलमानांच्या विरोधात २४ नोव्हेंबरच्या रात्री डोंगरी येथे शेकडो हिंदू रस्त्यावर उतरले. या प्रकरणी व्ही.पी. रोड आणि जे.जे. रोड पोलीस ठाण्यात पोलिसांनी तक्रार प्रविष्ट करून घेतली आहे.
डोंगरी येथील रेहमानशाह बाबाच्या दर्ग्यामधील उरूसाच्या निमित्ताने या परिसरात मागील ४ दिवसांपासून नियमित सायंकाळी मुसलमानांकडून मिरवणूक काढली जात आहे. या मिरवणुकीची कोणत्याही प्रकारे अनुमती घेण्यात आलेली नाही. रात्री ११ ते ११.३० वाजेपर्यंत या मिरवणुका काढल्या जातात. भेंडीबाजार-डोंगरी ते डेंकन रोडपर्यंत विनाअनुमती ही मिरवणूक काढण्यात येत होती. डी.जे. लावण्यावर बंदी असतांनाही त्याला न जुमानता मिरवणुकीत मोठ्या आवाजात डी.जे. लावला जातो. या नियमितच्या त्रासाच्या विरोधात येथील गोल मंदिराजवळ शेकडो हिंदू एकवटले. या वेळी व्ही.पी. रोड आणि जे.जे. मार्ग पोलीस ठाणे येथे तक्रार करण्यात आली. मुंबईतील विविध भागांतून विविध हिंदुत्वनिष्ठ संघटनांचे हिंदू उत्स्फूर्तपणे एकवटले होते.
धर्मांधांच्या विरोधात गुन्हा नोंद !
मिरवणुकीत कर्णकर्कश आवाजात डी.जे. लावल्याच्या प्रकरणी हिंदूंच्या मागणीनंतर जे.जे. पोलीस ठाण्यामध्ये २५ नोव्हेंबर या दिवशी सकाळी ११ वाजता पोलिसांनी ध्वनीप्रदूषण केल्याचा गुन्हा नोंदवला.
सकल हिंदु समाजाच्या वतीने महाआरती !
मुसलमानांच्या धर्मांधतेच्या विरोधात २५ नोव्हेंबरच्या सायंकाळी कुंभारवाडी येथील श्री नागेश्‍वर महादेव गोल मंदिरामध्ये मुंबई उपनगराचे पालकमंत्री मंगल प्रभात लोढा यांच्या उपस्थितीत सकल हिंदु समाजाच्या वतीने महाआरती करण्यात आली. या वेळी विविध हिंदुत्वनिष्ठ संघटनांचे शेकडो हिंदू उपस्थित होते.
तक्रारीनंतर पोलीस कारवाई करत नाहीत ! – सुनील सावंत, माजी कार्याध्यक्ष, विश्‍व हिंदु परिषद
मागील ४ दिवसांपासून उरूसाच्या मिरवणुकीमुळे स्थानिक नागरिक अशरक्ष: त्रस्त झाले आहेत. या मिरवणुमध्ये कानठाळ्या बसतील एवढ्या मोठ्या आवाजात डी.जे. लावले जात आहेत. याविरोधात स्थानिक पोलीस ठाण्यात तक्रार करूनही पोलिसांकडून कारवाई करण्यात आली नाही. राजकीय पक्षही याविषयी गप्प आहेत. हा प्रकार केवळ उरूसापुरती मर्यादित राहिलेला नाही. मुसलमान वेगवेगळ्या पद्धतीने हिंदूंच्या कुरापती काढत आहेत. हे कुठेतरी थांबायला हवे.
उरूसाच्या नावाखाली धर्मांधांचा उन्माद आणि पोलिसांची बघ्याची भूमिका !उघडपणे दिसणारा गुन्हाही रोखू न शकणार्‍या कतर्व्यचुकार पोलिसांना सरकारने तात्काळ बडतर्फ केले पाहिजे ! हिंदूंनी जर अशा अनधिकृत मिरवणुका काढल्या असत्या, तर पोलिसांनी अशीच बघ्याची भूमिका घेतली असती का ? यावरून ‘पोलीस धर्मांधांना घाबरतात’, हेच सिद्ध होते ! मिरवणूक काढतांना त्या ठिकाणी पोलीस पहाराही ठेवण्यात येत होता; मात्र ही विनाअनुमती चाललेली मिरवणूक आणि अवैधपणे डी.जे.चा वापर, यांविषयी पोलिसांकडून बघ्याची भूमिका घेण्यात आली. कोणत्याही प्रकारे अनुमती न घेता स्थानिक दर्ग्यांच्या उरुसाच्या निमित्ताने मिरवणुका काढण्याचे आणि त्यांमध्ये कर्णकर्कश आवाजात डी.जे. लावण्याचे प्रकार मुंबईतील विविध भागांमध्ये होत आहेत. या मिरवणुकांना पोलिसांचे संरक्षण असते; मात्र या अवैध प्रकाराच्या विरोधात पोलीस कारवाई करत नाहीत. |
विनाअनुमती मिरवणक होऊ देणार नाही ! – पोलिसांचे आश्‍वासन
या विरोधात एकवटलेल्या शेकडो हिंदूंच्या तक्रारीनंतर ‘विनाअनुमती मिरवणूक होऊ देणार नाही, तसेच मिरवणुकीमध्ये डी.जे. लावू दिला जाणार नाही’, असे आश्‍वासन पोलिसांनी हिंदूंना दिले.
संपादकीय भूमिकाविनाअनुमती मिरवणुका काढून हिंदूंना त्रास देणारे धर्मांध मुसलमान मशिदींसमोरून हिंदूंच्या मिरवणुका केवळ गेल्या, तरी हिंदूंवर आक्रमण करतात, हे लक्षात घ्या ! |