‘टायगर ३’ चित्रपट पहातांना प्रेक्षकांनी चित्रपटगृहातच १० मिनिटे फटाके फोडले !

मालेगाव – लक्ष्मीपूजनाच्या दिवशी, म्हणजे १२ नोव्हेंबर या दिवशी अभिनेते सलमान खान यांचा ‘टायगर ३’ हा चित्रपट प्रदर्शित झाला. खान यांच्या चाहत्यांनी येथील मोहन चित्रपटगृहात थेट फटाके फोडले. या वेळी रॉकेट उडवण्यात आले, तसेच बाँब, फुलझडी आदी फटाकेही फोडण्यात आले. जवळपास १० मिनिटे हा प्रकार चालू होता. काही प्रेक्षक शिट्या वाजवून नाचत या सर्वांचे समर्थन करत होते. यामुळे चित्रपटाचा खेळ मध्येच बंद करावा लागला. या चित्रपटगृहापासून छावणी पोलीस ठाणे हाकेच्या अंतरावर आहे.

Salman Khan fans burst #firecrackers in theatre during ‘#Tiger3‘ screening in Maharashtra | WATCH pic.twitter.com/UXSgGa6UhY

— The Tatva (@thetatvaindia) November 13, 2023

घटनेची माहिती मिळताच रात्री ११.३० वाजता पोलीस चित्रपटगृहात आले.काही वेळाने अग्निशमन दलाचा बंबही तेथे पोचला. प्रचंड गर्दी झाल्याने फटाके फोडणार्‍या संशयितांना ओळखणे अशक्य झाले. काही प्रेक्षक आधीच चित्रपटगृहाबाहेर पडले होते. हुल्लडबाजी टाळण्यासाठी शेवटी खेळ बंद करण्यात आला. या प्रकरणी छावणी पोलीस ठाण्यात अद्याप कुठलाही गुन्हा नोंदवण्यात आलेला नाही.