महाराष्ट्राच्या सर्वस्पर्शी विकासाचे स्वप्न साकार करूया !
मुख्यमंत्री एकनाथ शिंदे यांच्याकडून दिवाळीच्या शुभेच्छा !
मुंबई – महाराष्ट्राच्या सर्वस्पर्शी विकासाचे स्वप्न साकार होण्यासाठी आणि जगाने गौरवपूर्ण वाटचालीची नोंद घ्यावी, यासाठी प्रयत्नांची पराकाष्ठा करूया, असा निर्धार व्यक्त करत मुख्यमंत्री एकनाथ शिंदे यांनी राज्यातील जनतेला दिवाळीच्या मन:पूर्वक शुभेच्छा दिल्या आहेत. ‘दीपोत्सवाचे हे पर्व सर्वांच्या आयुष्यात मांगल्य आणि समृद्धी घेऊन येवो. सर्वांच्या आशा-आकांक्षा आणि संकल्प पूर्ण व्हावेत’, अशी मनोकामनाही त्यांनी व्यक्त केली आहे.
मुख्यमंत्री एकनाथ शिंदे यांनी दिल्यात दिवाळी शुभेच्छा https://t.co/y1V7QvIjBa via @YouTube
— JBN महाराष्ट्र News (@jbn_news) November 11, 2023
ते पुढे म्हणाले, ‘‘दिवाळी आपल्या सगळ्यांच्या आयुष्यात आनंद आणि चैतन्य घेऊन येते. आपण त्याच उत्साहाने हा प्रकाशाचा उत्सव साजरा करूया. आपण निसर्गपूजक आहोत. आपले सणही तोच संदेश देतात; म्हणूनच स्वच्छतेचा कटाक्ष बाळगूया, प्रदूषण टाळूया. सणांचा आनंद घेतांना पर्यावरणाची काळजी घेण्याचे दायित्वही आपले सगळ्यांचे आहे, हे लक्षात ठेवून सण साजरा करूया.’’