जगातील तथाकथित नेते गाझातील नरसंहाराचे समर्थन करत आहेत  ! – प्रियांका गांधी, सरचिटणीस, काँग्रेस

काँग्रेसच्या सरचिटणीस प्रियांका गांधी यांचा थयथयाट !

नवी देहली – गाझामध्ये ५ सहस्राहून अधिक मुलांसह सुमारे १० सहस्र लोकांची हत्या करण्यात आली आहे. हे अत्यंत लज्जास्पद आणि भयानक आहे. रुग्णालये आणि रुग्णवाहिका यांवर बाँब फेकले, निर्वासितांच्या छावण्यांवर आक्रमणे करण्यात आली, कुटुंबे उद्ध्वस्त झाली. (या ठिकाणी हमासचे आतंकवादी लपून कारवाया करत असल्यानेच इस्रायल येथे आक्रमणे केली आहेत. इस्रायलने आक्रमणापूर्वीच उत्तर गाझातील लोकांना दक्षिण गाझामध्ये जाण्याचे आवाहन केले होते. त्यांनी ते न ऐकल्याने त्याचे परिणाम त्यांना भोगावे लागत आहेत, हे जगजाहीर असतांना प्रियांका गांधी त्याकडे दुर्लक्ष करतात, हे लक्षात घ्या !- संपादक) हे सर्व होत असतांना जगातील तथाकथित नेते नरसंहाराचे समर्थन करत आहेत. आंतरराष्ट्रीय समुदायाने त्वरित युद्धविराम अमलात आणावा, असे आवाहन काँग्रेसच्या सरचिटणीस प्रियंका गांधी यांनी ट्वीट करून केले आहे.

It is horrific and shameful beyond words that almost 10,000 civilians of which nearly 5000 are children have been massacred, whole family lines have been finished off, hospitals and ambulances have been bombed, refugee camps targeted and yet the so-called leaders of the “free”…

— Priyanka Gandhi Vadra (@priyankagandhi) November 5, 2023

संयुक्त राष्ट्रांतील भारताच्या अलिप्ततेवरून प्रियांका वाड्रा यांनी केली होती टीका !

यापूर्वी प्रियांका वाड्रा यांनी संयुक्त राष्ट्रांच्या महासभेत गाझाच्या शांततेसाठी झालेल्या मतदानापासून भारताने स्वतःला दूर ठेवल्यावरून टीका केली होती. त्या म्हणाल्या होत्या की, भारताच्या या वृत्तीचे आश्‍चर्य वाटत आहे. शांततेसाठी झालेल्या मतदानापासून दूर रहाणे म्हणजे अहिंसा, न्याय आणि शांतता, या तत्त्वांना नाकारणे आहे. (या प्रस्तावामध्ये हमासच्या आक्रमणाचा कुठेही उल्लेख नव्हता, त्यामुळेच भारत यापासून अलिप्त राहिला. मोहनदास गांधी यांच्या हत्येनंतर ब्राह्मणांचा आणि इंदिर गांधी यांच्या हत्येनंतर शिखांचा नरसंहार करणार्‍या काँग्रेसवाल्यांनी शांततेच्या, अहिंसेच्या बाता मारणे म्हणजे ‘सौ चुहे खाकर बिल्ली हज को चली’ सारखेच आहे ! – संपादक)