Arsh Dalla : पंजाबमधील हरजिंदर सिंह या उद्योगपतीच्या हत्येचे धागेदोरे कॅनडापर्यंत पोचले !
बठिंडा (पंजाब) – येथील ‘मॉल रोड एसोसिएशन’ या संघटनेचे अध्यक्ष आणि उद्योगपती हरजिंदर सिंह जोहल उपाख्य मेला यांची २८ ऑक्टोबर या दिवशी हत्या झाल्यानंतर आता त्याचे धागेदोरे थेट कॅनडाशी जोडले गेल्याचे समोर आले आहे. कॅनडात रहाणारा कुख्यात गुंड अर्श डल्ला याने त्यांच्या हत्येचे दायित्व स्वीकारले आहे. डल्ला याने सांगितले की, जोहल यांच्यासमवेत बहुमजली पार्किंग व्यवस्थेच्या ठेकेदारीच्या वादातून आम्ही ही हत्या केली.
२८ ऑक्टोबर या दिवशी हरजिंदर सिंह यांच्यावर दिवसाढवळ्या गोळ्या झाडून त्यांची हत्या करण्यात आली. या हत्येवरून लोकांनी तीव्र आंदोलन केले. यामुळे पंजाब पोलिसांनी मारेकर्‍यास पकडून देणार्‍याला २ लाख रुपयांचे बक्षीस जाहीर केले होते.