छत्रपती संभाजीनगर येथे मुलांच्या साहाय्याने चालणारे बनावट नोटांचे रॅकेट उद्ध्वस्त !

७ जणांना अटक, ५ मुलांकडे ५०० च्या नोटा !

छत्रपती संभाजीनगर – ३५ सहस्र रुपयांच्या खर्‍या नोटांच्या मोबदल्यात १ लाख रुपयांच्या बनावट नोटा मेडिकल, तसेच किराणा दुकानांतून चलनात आणणार्‍या ७ जणांना अटक करण्यात आली. त्यांच्याकडून ५०० रुपयांच्या ४१९ नोटा जप्त केल्या असून ९० सहस्र रुपयांच्या १८१ बनावट नोटा बाजारपेठेत आहेत. ७ पैकी ५ जण विधीसंघर्षग्रस्त मुले असून मुख्य सूत्रधार पसार आहे. अल्पवयीनांना हाताशी धरून हा उद्योग चालू होता.

टोळीने ऑक्टोबरमध्ये ६०० नोटा बाजारात चालवल्या. या वेळी एकाही दुकानदाराच्या हे लक्षात आले नाही; मात्र खबर्‍याने पोलिसांना माहिती दिल्यावर हालचाली चालू झाल्या. आरोपींमधील देवेंद्र उपाख्य भय्या मोरे आणि राहुल जावळे यांना १ नोव्हेंबरपर्यंत पोलीस कोठडी देण्यात आली आहे. अल्पवयीन मुलांची बालनिरीक्षण गृहात रवानगी करण्यात आली आहे.