दसर्‍याच्या निमित्ताने मुख्यमंत्री डॉ. प्रमोद सावंत यांच्या शुभेच्छा !
पणजी – गोव्याचे मुख्यमंत्री डॉ. प्रमोद सावंत आणि राज्यपाल पी.एस्. श्रीधरन् पिल्लई यांनी गोमंतकियांना दसर्‍याच्या निमित्ताने शुभेच्छा दिल्या आहेत.
मुख्यमंत्री डॉ. सावंत संदेशात म्हणाले, ‘‘दसरा म्हणजे चांगल्याचा वाईटावर विजय होय ! दसरा सणातून समाजातील वाईट गोष्टींच्या विरोधात लढण्याची प्रेरणा सर्वजण घेणार, अशी अपेक्षा बाळगतो.’’
राज्यपाल पिल्लई म्हणतात, ‘‘दसरा सणातून धर्म आणि सत्य यांच्या वाटेने चालण्याची प्रेरणा मिळते. दसरा सणाच्या निमित्ताने प्रेम, दया, संयम आणि करुणा हे गुण वृद्धींगत करूया.’’