कराड येथे सनातन संस्थेच्या वतीने ग्रंथ आणि सात्त्विक उत्पादने यांचे भव्य प्रदर्शन !

कराड, २१ ऑक्टोबर (वार्ता.) – सनातन संस्थेच्या वतीने नवरात्रोत्सवानिमित्त सनातनचे ग्रंथ आणि सात्त्विक उत्पादने यांचा भव्य प्रदर्शन कक्ष येथील श्री दैत्यनिवारणी मंदिरात उभारण्यात आला आहे. या प्रदर्शन कक्षाचे उद्घाटन प्रखर हिंदुत्वनिष्ठ तथा श्री शिवप्रतिष्ठान हिंदुस्थानचे धारकरी श्री. अनिल खुंटाळे यांच्या हस्ते करण्यात आले.

या कक्षास भाविकांचा उत्तम प्रतिसाद मिळत असून २२ ऑक्टोबरपर्यंत सकाळी ११ ते रात्री ९ या वेळेत हे प्रदर्शन चालू असणार असून परिसरातील सर्व देवी भक्तांनी या प्रदर्शनास अवश्य भेट देऊन याचा लाभ घ्यावा, असे आवाहन या वेळी उपस्थित मान्यवरांकडून करण्यात आले.