पॅलेस्टाईनवरील आक्रमण थांबवण्यासाठी इस्रायलवर दबाव आणण्याची  विरोधी पक्षांची घातक मागणी !

नवी देहली – आंतरराष्ट्रीय समुदायाने इस्रायल-पॅलेस्टाईन संघर्षाच्या शांतीपूर्ण समाधानासाठी प्रयत्न करायला हवेत. यासह पॅलेस्टिनी लोकांच्या अधिकारांचा सन्मान करणे, तसेच गाझा पट्टीच्या लोकांना मानवीय साहाय्य तात्काळ पोचवणे, यावर भर दिला पाहिजे. यासाठी इस्रायलवर दबाव आणला पाहिजे, असे संयुक्त वक्तव्य भारतातील विरोधी राजकीय पक्षांनी प्रसारित केले आहे. या वक्तव्यामध्ये हमासच्या आतंकवाद्यांनी केलेल्या भयावह आक्रमणात मारल्या गेलेल्या इस्रायलच्या १ सहस्र ३०० नागरिकांविषयी अवाक्षरही काढण्यात आलेले नाही.

Today, parliamentarians and politicians of different parties met Palestinian Ambassador & expressed deep concern for Palestinians people including innocent children being brutally killed in Gaza by Israeli forces. We demand interna’nal community to intervene & stop this madness. pic.twitter.com/C6VFO7rDw1

— Kunwar Danish Ali (@KDanishAli) October 16, 2023

१. विरोधी राजकीय पक्षांच्या नेत्यांनी भारतातील पॅलेस्टाईनचे राजदूत अदनान महंमद जाबेर अबुलहैजा यांची १६ ऑक्टोबर या दिवशी भेट घेतली. त्यानंतर वरील वक्तव्य प्रसारित करण्यात आले. या शिष्टमंडळात काँग्रेसचे नेते आणि माजी केंद्रीय मंत्री मणीशंकर अय्यर, श्रीकांत जेना, भाकपचे प्रमुख डी. राजा, माकपचे नेते नीलोत्पल बसू, बसपचे खासदार दानिश अली, राजदचे खासदार मनोज झा, समाजवादी पक्षाचे जावेद अली, जनता दल संयुक्तचे महासचिव केसी त्यागी आदी सहभागी झाले होते. यानंतर नेत्यांनी एक संयुक्त वक्तव्य प्रसारित करत युद्ध थांबवण्यासाठी विशेष प्रयत्न करण्यावर भर दिला.

२. शिष्टमंडळाने प्रसारित केलेल्या संयुक्त वक्तव्यात पुढे म्हटले आहे की, आम्ही गाझा पट्टीत चालू असलेले संकट आणि पॅलेस्टिनी लोकांचे दु:ख यांवर गंभीर चिंता व्यक्त करतो. इस्रायलद्वारे गाझा पट्टीवर चालू असलेली अंधाधुंद बाँबफेकीची कठोर शब्दांत निंदा करतो. यातून इस्रायलचा नरसंहार करण्याचा प्रयत्न होत आहे.

३. यानंतर या शिष्टमंडाळतील नेत्यांनी ‘एक्स’द्वारे गाझाच्या निष्पाप मुलांसह पॅलेस्टिनी जनतेची कशा प्रकारे हत्या करण्यात येत आहे, याची छायाचित्रे प्रसारित केली. ‘इस्रायलचा मूर्खपणा थांबला पाहिजे’, असेही त्यांनी या पोस्टमध्ये लिहिले आहे.