आज पंतप्रधान नरेंद्र मोदी मुंबईत येणार !
आंतरराष्‍ट्रीय ऑलिंपिक समितीच्‍या १४१ व्‍या अधिवेशनाचे आयोजन !
मुंबई – भारताचे पंतप्रधान नरेंद्र मोदी १४ ऑक्‍टोबर या दिवशी मुंबई दौर्‍यावर असणार आहेत. आंतरराष्‍ट्रीय ऑलिंपिक समितीचे १४१ वे अधिवेशन मुंबई येथे पार पडणार आहे. या अधिवेशनासाठी ते उपस्‍थित रहाणार आहेत. हे अधिवेशन मुंबईतील जिओओल्‍ड सेंटरमध्‍ये १४ ते १७ ऑक्‍टोबर या कालावधीत पार पडणार आहे.
भारतात ४० वर्षांनंतर हे अधिवेशन होत आहे. वर्ष १९८३ मध्‍ये नवी देहली येथे अधिवेशन झाले होते. ऑलिंपिकचे १४१ वे अधिवेशन भारतात होणे, ही क्रीडा क्षेत्रासाठी महत्त्वाची गोष्‍ट आहे. यामुळे भारताला आगामी काळात अनेक स्‍पर्धांचे यजमानपद भूषवण्‍याची संधी मिळू शकते. याविषयी केंद्रीय मंत्री अनुराग ठाकूर यांनीही माहिती दिली आहे. वर्ष २०३६ ची ऑलिंपिक स्‍पर्धा भारतात व्‍हावी, यासाठी भारत दावा करू शकतो.