बेंगळुरूत फटाक्यांच्या दुकानाला लागलेल्या आगीत १४ जणांचा मृत्यू  

बंगळुरू (कर्नाटक) – कर्नाटकातील आनेकल तालुक्यातील अत्तिबेले  येथील ‘बालाजी क्रॅकर्स’ या फटाक्यांच्या दुकानाला लागलेल्या आगीत १४ जणांचा मृत्यू झाला. ७ ऑक्टोबरला दुपारी ४.३० वाजण्याच्या सुमारास ही घटना घडली. या प्रकरणी दुकान मालक आणि त्याचा मुलगा यांच्याविरुद्ध गुन्हा नोंदवून त्यांना अटक करण्यात आली आहे.

कर्नाटकात शनिवारी सायंकाळी फटाक्यांच्या गोदामाला भीषण आग लागली. या आगीत होरपळून 12 जणांचा मृत्यू झाला असून चार गंभीर जखमी झाले आहेत. https://t.co/HNYVMj2rDZ

— Saamana (@SaamanaOnline) October 8, 2023

या दुकानात दसरा आणि दिवाळी यांसाठी फटाक्यांची साठवणूक करण्यात येत होती. वाहनातून खोकी उतरवत असतांना त्यांना आग लागली. काही वेळातच दुकान आणि गोदाम यांना आगीने वेढले. आग लागली, तेव्हा तेथे ३५ लोक काम करत होते.