देवा, तूच असशी माय-बाप, धनी ।
सर्व साधकांचे सर्वस्व असलेले सच्चिदानंद परब्रह्म डॉ. आठवले !
‘श्री गुरूंचे रूप पहाण्यासाठी मन आतुरलेले असते. त्यांना पाहिल्यावर मनाची स्थिती एकदम पालटून जाते. केवळ दर्शनमात्रे कृपावर्षाव करणार्या श्री साईंच्या (सच्चिदानंद परब्रह्म डॉ. आठवले यांच्या) चरणी कृतज्ञतापूर्वक नमस्कार !
देवा (टीप), तूच असशी माय-बाप, धनी ।
कुणी नसे माझे या जीवनी ॥ १ ॥
तुझे मनोहर रूप पहाता लोचनी ।
भाव उचंबळून येई माझिया मनी ॥ २ ॥
वत्सल बोल तुझे पडता मज कानी ।
शंका सार्या क्षणात जाती विरूनी ॥ ३ ॥
कृपाळू दृष्टीने पहाता जेव्हा मजकडे ।
तुजवीन मज आता काही नको वाटे ॥ ४ ॥
प्रफुल्लित मन होई नमन करता तव चरणी ।
आनंदे गाईन गुरुकृपेची मधुर गाणी ॥ ५ ॥
तुझिया चरणी मिळे जो निवारा ।
अन्य कुठे न मिळे असा आसरा’ ॥ ६ ॥
टीप : सच्चिदानंद परब्रह्म डॉ. आठवले
– सौ. स्वाती संदीप शिंदे (आध्यात्मिक पातळी ६५ टक्के), सनातन आश्रम, रामनाथी, गोवा. (१३.१.२०२३)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |