पाकच्या कुख्यात आतंकवादी हाफिज सईद याच्या अपहरण झालेल्या मुलाची हत्या झाल्याचा दावा !
इस्लामाबाद (पाकिस्तान) – कुख्यात आतंकवादी हाफिज सईद याचा मुलगा कमालुद्दीन सईद याची हत्या झाल्याचे वृत्त आहे. २६ सप्टेंबरला अज्ञातांकडून त्याचे अपहरण करण्यात आले. पाकची गुप्तचर संघटना ‘आय.एस्.आय.’ही त्याला शोधण्यात यशस्वी झालेली नाही, असे सांगितले जात आहे. कमालुद्दीन सईदचा मृतदेह जब्बा खोर्‍यात मिळाल्याचा दावा काही सामाजिक माध्यमांवरील खात्यांकडून केला जात आहे.
#NBTwitterScan | Terror group #LeT chief #HafizSaeed’s son #Kamaluddin abducted and killed? Here’s the #truth– https://t.co/k6509m39Hl
— News Bharati (@eNewsBharati) September 30, 2023
‘जमाद-उद्-दवा’ या जिहादी आतंकवादी संघटनेचा संस्थापक असणार्‍या हाफिज सईदने लष्कर-ए-तोयबाचीही स्थापनाही केली होती. या संघटनेला भारतासमवेत अमेरिका, यूरोपीय संघ, ऑस्ट्रेलिया आणि रशिया यांनी ‘आतंकवादी संघटना’ म्हणून घोषित केले आहे.