सातारा नगर परिषदेकडून ‘उपयोगकर्ता शुल्का’ची आकारणी !

सातारा, २८ सप्टेंबर (वार्ता.) – सातारा नगर परिषदेच्या वतीने वर्ष २०२३-२४ चे करदेयक वितरित करण्यात आले आहे. या कर देयकामध्ये ‘उपयोगकर्ता शुल्क’ म्हणून नवीन कर आकारणी करण्यात आली आहे. यामुळे नागरिकांमधून संतप्त प्रतिक्रिया उमटत आहेत.

सातारा नगर परिषदेच्या नगरसेवकांचा कार्यकाल संपून दीड वर्ष होऊन गेले. या कालावधित प्रशासक म्हणून मुख्याधिकारी सातारा नगर परिषदेचा कारभार पहात आहेत. यावर्षी नवीनच ‘उपयोगकर्ता शुल्क’ सातारावासियांकडून आकारण्यात येत आहे. काही सूज्ञ नागरिकांनी याविषयी नगर परिषदेमध्ये करवसुली विभागात विचारणा केली; मात्र त्यांना समाधानकारक उत्तरे न मिळाल्यामुळे त्यांच्याकडून संताप व्यक्त केला जात आहे.