मागील साडेचार वर्षांत गोव्यातील साडेसहा सहस्र युवक मद्य किंवा अमली पदार्थ व्यसनांच्या आहारी !

गोव्यातील तरुण नशेच्या विळख्यात !

पणजी – मागील साडेचार वर्षांत ६ सहस्र ५९२ गोमंतकीय युवक मद्यप्राशन किंवा अमली पदार्थाचे सेवन या व्यसनांच्या आहारी गेले आहेत. बेरोजगारी, व्यवसायात हानी होणे, संबंध दुरावणे, कोरोना महामारी आदी अनेक समस्यांमुळे युवावर्ग व्यसनाच्या आहारी गेला आहे.

बेरोजगारी, व्यवसायात फटका! गोव्यात तरुण मद्य, अमली पदार्थांच्या आहारी; चारवर्षातील आकडेवारी चिंताजनक#goa #goanews #dainikgomantakhttps://t.co/oRpf4L0mbZ

— Dainik Gomantak TV (@GomantakDainik) September 15, 2023

वर्ष २०१८ पासून आतापर्यंत ६ सहस्र ५९२ युवक मद्य किंवा अमली पदार्थ यांच्या पूर्णपणे आहारी गेल्याने त्यांना सरकारी पुनर्वसन केंद्रांमध्ये (दोन जिल्हा रुग्णालये आणि ‘आय.पी.एच्.बी.’ रुग्णालय येथे) भरती करावे लागले आहे. एका वृत्तपत्राने माहिती अधिकाराखाली मिळवलेली ही माहिती प्रसिद्ध केली आहे. आतापर्यंत अमली पदार्थ सेवनाचे व्यसन जडलेल्या १२४ व्यक्तींनी उपाचार घेऊन व्यसन सोडले आहे. आधुनिक वैद्यांच्या मते, गोव्यात अमली पदार्थांचे सेवन ही एक गंभीर समस्या बनली आहे आणि यामुळे अनेकांचे जीवन उद्ध्वस्त होत आहे. युवकांना अमली पदार्थ सहजतेने उपलब्ध होणे, हीसुद्धा एक गंभीर गोष्ट आहे. पूर्वी समुद्रकिनारपट्टीपुरती मर्यादित असलेली ही समस्या आता गोव्याच्या गावागावांत पोचली आहे.

Deadly extra-curricular activity hits many Salcete #campuses, #drug scoring
Read:https://t.co/fGHQQhbNNY#Goa #News #Headlines pic.twitter.com/QvbczM2LCD

— Herald Goa (@oheraldogoa) September 12, 2022