‘आध्यात्मिक उपाय सद़्‍गुरु’ असलेले सद़्‍गुरु डॉ. मुकुल गाडगीळ यांची आध्यात्मिक गुणवैशिष्‍ट्ये !
‘सद़्‍गुरु मुकुल गाडगीळकाका हे दत्तावतारी संत योगतज्ञ प.पू. दादाजी वैशंपायन आणि गणेशावतारी संत परात्‍पर गुरु पांडे महाराज यांच्‍याप्रमाणेच ऋषितुल्‍य व्‍यक्‍तीमत्त्व असून तेही श्री गणेश आणि शिव यांचे अंशावतारी समष्‍टी संत आहेत. अशा थोर विभूतीच्‍या चरणी हे लेखपुष्‍प कृतज्ञताभावाने समर्पित करत आहे. या लेखाचा काही भाग आपण १९ सप्‍टेंबर या दिवशी पाहिला. त्‍याचा उर्वरित भाग येथे देत आहे.
१०. सारांश
अशा प्रकारे सद़्‍गुरु गाडगीळकाकांमध्‍ये विविध प्रकारचे दैवीबळ, दैवी तेज आणि दैवी गुण कार्यरत असल्‍यामुळे त्‍यांचे दर्शन, मार्गदर्शन, सत्‍संग आणि सेवा इतकेच नव्‍हे, तर त्‍यांचे संपूर्ण अस्‍तित्‍व विश्‍वातील प्रत्‍येक जिवासाठी परम कल्‍याणकारी आहे. त्‍यामुळे सद़्‍गुरु गाडगीळकाकांची आध्यात्मिक वाटचाल विहंगम गतीने परात्‍पर गुरुपदाकडे चालू असल्‍याचे जाणवते. ते ‘परात्‍पर गुरु डॉक्‍टर आठवले यांचा सूक्ष्म जगताचे ज्ञान देणे, विविध सूक्ष्मातील प्रयोग करणे आणि साधकांवर आध्यात्मिक उपाय करून त्यांना व्‍यष्‍टी अन् समष्‍टी साधनेच्‍या संदर्भात मार्गदर्शन करणे’, या दैवी कार्याचा वारसा पुढे चालवत आहेत. अशा प्रकारे सद़्‍गुरु गाडगीळकाका यांच्या रूपाने सनातन संस्‍थेला एक अनमोल संतरत्न प्राप्‍त झाले आहे. यासाठी देवता आणि श्री गुरु यांच्या चरणी आम्‍ही सर्व साधक कृतज्ञताभावाने नमन करतो.
११. कृतज्ञता
‘श्री गुरूंच्‍या कृपेमुळेच ऋषितुल्‍य असणार्‍या सद़्‍गुरु गाडगीळकाकांची गुणवैशिष्‍ट्ये लेखबद्ध करता आली’, यासाठी मी श्रीगुरुचरणी कोटीशः कृतज्ञ आहे. ‘त्‍यांच्‍याप्रमाणे आम्‍हा साधकांमध्‍येही दैवी गुणांची वृद्धी होवो’, हीच ईश्‍वराच्‍या चरणी विनम्र प्रार्थना आहे.’
(समाप्‍त)
– कु. मधुरा भोसले (सूक्ष्मातून मिळालेले ज्ञान), (आध्यात्मिक पातळी ६५ टक्‍के), सनातन आश्रम, रामनाथी, गोवा. (५.९.२०२३ सायंकाळी ४.३० ते ५.०५)
|