शिरूर (पुणे) येथील चोरीला गेलेले देवाचे दागिने शोधण्यात पोलिसांना यश !

शिरूर (जिल्हा पुणे) – श्री क्षेत्र ढोकसांगवी (ता. शिरूर) येथील ग्रामदैवत श्री खंडोबा देवाचे चोरीला गेलेले दागिने शोधण्यात रांजणगाव एम्.आय.डी.सी. पोलिसांना यश आले आहे. हे दागिने पोलिसांनी ग्रामस्थांकडे सुपुर्द केले असून आरोपीला अटक केली आहे. त्यानंतर धार्मिक विधी आणि पूजाअर्चा करून सोन्याचे डोळे देवाला बसवण्यात आले. श्री खंडोबा देवाचे अडीच ग्रॅम सोन्याचे डोळे चोरांनी ऑगस्टमध्ये चोरून नेले होते. याविषयी देवाचे पुजारी शरद गुरव यांनी तक्रार प्रविष्ट केली होती.