Menu
04 September 2023 21:37:07

(म्हणे) ‘जी-२० परिषदेच्या वेळी काश्मिरी लोकांनी देहलीवर आक्रमण करावे !’-खलिस्तानी आतंकवादी पन्नू

खलिस्तानी आतंकवादी पन्नू याची चिथावणी

नवी देहली – देहलीत जी-२० शिखर परिषद उधळून लावण्याचा डाव  खलिस्तानी आतंकवादी संघटना ‘शीख फॉर जस्टिस’ने ‘आय.एस्.आय.’ या पाकिस्तानच्या गुप्तचर संस्थेच्या इशार्‍यावर रचला आहे. ‘शीख फॉर जस्टिस’चा प्रमुख आतंकवादी गुरपतवंतसिंह पन्नू हा काश्मिरी लोकांना भडकावत आहे. पन्नू याने ‘आय.एस्.आय.’च्या ‘के-२ फॉर्म्युल्या’च्या (के-२ म्हणजे काश्मीर- खलिस्तान)  धर्तीवर एक ध्वनीफीत प्रसारित केली आहे. यामध्ये त्याने काश्मिरी लोकांना काश्मीर सोडून देहलीवर आक्रमण करण्याचे आवाहन केले आहे. या पार्श्‍वभूमीवर देहलीत जी-२० परिषदेच्या वेळी खलिस्तानी आतंकवाद्यांकडून आक्रमणाची शक्यता लक्षात घेऊन सुरक्षादलाने अतीदक्षतेचे आदेश दिले आहेत.

या ध्वनीफितीमध्ये खलिस्तानी आतंकवादी पन्नू याने मुसलमानांना शुक्रवारच्या नमाजानंतर देहलीतील प्रगती मैदानाकडे कूच करण्यास सांगितले आहे. तसेच इंदिरा गांधी आंतरराष्ट्रीय विमानतळावर खलिस्तानी ध्वज फडकावण्याची धमकी दिली आहे. ९ ते १२ सप्टेंबर या कालावधीत देहलीत जी-२० शिखर परिषद होणार आहे. या शिखर परिषदेला जगातील प्रमुख नेते उपस्थित रहाणार आहेत.

संपादकीय भूमिका

खलिस्तान्यांना धडा न शिकवल्यामुळे ते अधिकाधिक उद्दाम होऊन अशा प्रकारे चिथावण्या देत आहेत. त्यांना जन्माची अद्दल घडेल, अशी कृती सरकारने करणे अपेक्षित !

FOLLOW US

© Sanatan Prabhat 2020