भिवंडी येथील इमारतीचा भाग कोसळून दोघांचा मृत्यू !
ठाणे, ३ सप्टेंबर (वार्ता.) – भिवंडी येथील गौरीपाडा भागातील एक मजली इमारतीचा काही भाग कोसळून दोघांचा मृत्यू झाला, तर ५ जणांना वाचवण्यात अग्नीशमनदलाला यश आले आहे. मृतांमध्ये ८ मासांच्या मुलीचा समावेश आहे.
२ सप्टेंबरच्या मध्यरात्री १२:३० वाजताच्या सुमारास ही दुर्घटना घडली. या दुर्घटनेची माहिती मिळाल्यानंतर भिवंडी अनीशमनदल आणि ठाणे आपत्ती प्रतिसाद दल घटनास्थळी पोचले. पथकांनी ढिगार्‍यात अडकलेल्या सर्व व्यक्तींना बाहेर काढले. ५ घायाळांना उपचारार्थ येथील रुग्णालयात भरती करण्यात आले आहे. यापैकी एकाची स्थिती गंभीर आहे.