कॅलिफोर्निया (अमेरिका) राज्याने संमत केलेल्या जातीभेदविरोधी विधेयकाला हिंदूंचा विरोध !
वॉशिंग्टन (अमेरिका) – अमेरिकेतील कॅलिफोर्निया राज्याच्या विधीमंडळाने जातीभेदविरोधी विधेयकाला संमती दिल्यानंतर त्याला ‘अ कोअ‍ॅलिशन ऑफ हिंदूज ऑफ नॉर्थ अमेरिका (कोहना)’ या हिंदु संघटनेने विरोध केला आहे. ‘हा कॅलिफोर्नियाच्या इतिहासातील काळा दिवस आहे. या विधेयकानुसार राज्यातील समान नागरी हक्क कायदा, शिक्षण आणि गृहनिर्माण संहिता यांच्यात सुधारणा करून वंशावळी अंतर्गत जातीचा समावेश संरक्षित श्रेणी म्हणून करण्यात आला आहे. हे विधेयक अमेरिकेतील हिंदूंना लक्ष्य करण्यासाठी आहे’, असा आरोप या संघटनेने केला आहे.
In a black day for California History, the Assembly voted 50-3 to pass #SB403. The passing of a bill which is NOT facially neutral and written to specifically target Hindu Americans is the latest in a long line of unjust bills, (such as the Asian Exclusion Act), which were… pic.twitter.com/Mvosl21isy
— CoHNA (Coalition of Hindus of North America) (@CoHNAOfficial) August 29, 2023
या विधेयकाला संमती दिल्याने भेदभावविरोधी कायद्यांत जातीचा समावेश संरक्षित श्रेणीत करणारे कॅलिफोर्निया हे अमेरिकेतील पहिले राज्य ठरले आहे. या विधेयकाला अमेरिकेतील जातीसमानता मानवाधिकार कार्यकर्ते आणि संघटना यांनी पाठिंबा दिला आहे.