कल्याण येथे मध्य रेल्वेच्या सिग्नलमधील बिघाडामुळे वाहतूक खोळंबली !
ठाणे, २९ ऑगस्ट (वार्ता.) – कल्याण येथे मध्य रेल्वेच्या सिग्नल यंत्रणेत २९ ऑगस्टला सकाळी बिघाड झाल्यामुळे या मार्गावरील वाहतूक खोळंबली होती. कल्याण रेल्वेस्थानकातील फलाट क्रमांक ६ आणि ७ च्या सिग्नल यंत्रणेत बिघाड झाल्यामुळे या मार्गावरील लोकल गाड्या अर्धा घंटा विलंबाने धावत होत्या. परिणामी कल्याण आणि त्यापुढील रेल्वेस्थानकांत प्रवाशांची गर्दी झाली होती.