सांताक्रूझ (मुंबई) येथे हॉटेलला लागलेल्या आगीत ३ जणांचा मृत्यू !
मुंबई – सांताक्रूझ येथील ‘गॅलेक्सी’ हॉटेलला आग लागून ३ जणांचा होरपळून मृत्यू झाला. यामध्ये ५ जण घायाळ झाले आहेत. २७ ऑगस्ट या दिवशी दुपारी १ वाजण्याच्या वेळेत ही दुर्घटना घडली. आग लागल्यानंतर काही घंट्यांतच अग्निशमन दलाचे जवान आणि पाण्याचे टँकर घटनास्थळी पोचले. काही घंट्यांमध्ये आगीवर नियंत्रण मिळवण्यात आले. घायाळांना उपचारासाठी कूपर रुग्णालयात भरती करण्यात आले आहे. आग लागण्यामागील कारणाविषयी पोलीस अन्वेषण करत आहेत.