‘सनातन प्रभात’ हे केवळ वृत्तपत्र नव्‍हे, तर आध्‍यात्‍मिक पत्रच ! – सचिन कुलकर्णी

साप्‍ताहिक ‘सनातन प्रभात’चा वर्धापनदिन सोहळा !

कोल्‍हापूर – मी गेली अनेक वर्षे ‘सनातन प्रभात’चा वाचक असून कार्यालय आणि घर येथे हे वृत्तपत्र वाचण्‍यास ठेवले आहे. सनातन प्रभात वाचण्‍यास प्रारंभ केल्‍यापासून कार्यालय आणि घर येथील वातावरण पालटत आहे. ‘सनातन प्रभात’च्‍या माध्‍यमातून पुढच्‍या पिढीला सण, उत्‍सव कशा प्रकारे साजरे करावे, याचे ज्ञान मिळते, त्‍यामुळे ‘सनातन प्रभात’ हे केवळ वृत्तपत्र नव्‍हे, तर आध्‍यात्‍मिक पत्रच आहे. त्‍यातून जी ऊर्जा मिळते त्‍या ऊर्जेच्‍या बळावर आम्‍ही दिवसभर कार्य करू शकतो, असे गौरवोद़्‍गार ‘मास्‍टर सर्व्‍हिसेस’ या आस्‍थापनाचे मालक श्री. सचिन कुलकर्णी यांनी काढले. ते साप्‍ताहिक ‘सनातन प्रभात’च्‍या रौप्‍य महोत्‍सवी सोहळ्‍यात वक्‍ता म्‍हणून बोलत होते. हा सोहळा २६ ऑगस्‍टला झाला. ‘सनातन प्रभात’चे श्री. राहुल कदम आणि हिंदु जनजागृती समितीचे श्री. किरण दुसे यांनीही मनोगत व्‍यक्‍त केले. या सोहळ्‍यासाठी सनातनचे संत पू. सदाशिव (भाऊ) परब आणि पू. डॉ. (श्रीमती) शरदिनी कोरे यांच्‍यासह १४० जण उपस्‍थित होते.

उपस्‍थित मान्‍यवर : ठाकरे गटाचे करवीर तालुकाप्रमुख श्री. राजू यादव, हिंदु महासभेचे जिल्‍हाध्‍यक्ष श्री. मनोहर सोरप, शिरोली येथील श्री शिवप्रतिष्‍ठान हिंदुस्‍थानचे जिल्‍हा कार्यवाह श्री. सुरेश यादव, श्री. सतीश पाटील, श्री. नितीन चव्‍हाण, अधिवक्‍ता संजय पाटील, हिंदू एकता आंदोलनाचे जिल्‍हाध्‍यक्ष श्री. दीपक देसाई, शहराध्‍यक्ष श्री. गजानन तोडकर, उद्योजक श्री. शरद शेटे, श्री. रवींद्र ओबेरॉय

विशेष

१. एका वाचकाने उत्‍स्‍फूर्तपणे कार्यासाठी अर्पण केले.

२. गडहिंग्‍लज आणि मलकापूर येथूनही वाचक आले होते. काहीजण साप्‍ताहिक वर्गणीदार झाले.

श्री. सचिन कुलकर्णी – ‘सनातन प्रभात’ आमच्‍या कार्यालयात चालू झाल्‍यापासून आमच्‍या भोवती संरक्षण कवच निर्माण झाले आहे, असे आम्‍हाला वाटते.