बंगालमध्ये फटाक्यांच्या अनधिकृत कारखान्यातील स्फोटात ८ जणांचा मृत्यू

कोलकाता (बंगाल) – बंगालमधील उत्तर २४ परगणा जिल्ह्यातील नीलगंज  येथील फटाक्यांच्या कारखान्यात झालेल्या स्फोटात ८ जणांचा मृत्यू, तर अनेक जण घायाळ झाले. मृतांच्या संख्येत वाढ होण्याची शक्यता वर्तवण्यात येत आहे. स्फोटाच्या वेळी कारखान्यात अनेक लोक काम करत होते.
यापूर्वी मे मासामध्ये राज्यात ७ दिवसांत ३ स्फोट झाले होते. त्यांपैकी  बीरभूम जिल्ह्यातील तृणमूल काँग्रेसच्या एका नेत्याच्या घरात झाला होता, ज्यामध्ये कोणतीही जीवितहानी झाली नव्हती. त्याआधी दक्षिण २४ परगणा येथे झालेल्या स्फोटात ३ जणांचा मृत्यू झाला होता. पूर्व मेदिनीपूरमध्येही १६ मे या दिवशी फटाक्यांच्या अनधिकृत कारखान्यात हा प्रकार घडला होता. यामध्ये १२ जणांना त्यांचा जीव गमवावा लागला होता.

#BengalNews | 8 killed, 5 injured in massive blast in a firecracker factory in West Bengal’s Duttapukur@KamalikaSengupt shares more details | @Sriya_Kundu pic.twitter.com/vlrX39bzPW

— News18 (@CNNnews18) August 27, 2023