छत्रपती संभाजीनगर येथे आधुनिक वैद्य तरुणीची छेड काढणार्याला अटक !
समाजकंटकांना कठोर शिक्षा न झाल्याचा परिणाम !
छत्रपती संभाजीनगर – शहरातील कनॉट प्लेस परिसरामध्ये पायी जाणार्या २ आधुनिक वैद्य तरुणींची भर रस्त्यात छेड काढून अश्लील शेरेबाजी करणारा संदीप कांबळे (वय ३० वर्षे) याला सिडको पोलिसांनी अटक केली. २३ वर्षीय आधुनिक वैद्य तरुणी तिच्या मैत्रिणींसह सेवन हिल उड्डाणपुलाकडून कनॉट भागामध्ये जेवण करण्यासाठी निघाली होती. त्या वेळी दुचाकीवरून जाणारा संदीप कांबळे याने त्या २ तरुणींना पाहून अश्लील शेरेबाजी केली. त्यानंतर घाबरलेल्या आधुनिक वैद्य तरुणींनी तात्काळ पोलिसांच्या ११२ क्रमांकावर दूरभाष करून त्यांना याची माहिती दिली. थोड्याच वेळात पोलिसांनी घटनास्थळी येऊन कांबळे याला पकडले.