भारताला ‘हिंदु राष्ट्र’ करण्यासाठी ईश्वरी आशीर्वादाने ‘सनातन प्रभात’ तीव्रगतीने मार्गक्रमण करत आहे ! – ईश्वरप्रसाद खंडेलवाल, राष्ट्रीय अध्यक्ष, लष्कर-ए-हिंद

साप्ताहिक ‘सनातन प्रभात’च्या वर्धापनदिनाच्या निमित्ताने मान्यवरांची प्रतिक्रिया

‘सनातन प्रभात’ केवळ वृत्तपत्र नाही आहे, तर परात्पर गुरु डॉ. आठवले आणि अन्य संत यांच्या विचारांनी समाजाला जागृत करणारे एक मार्गदर्शक आहे. मागील २५ वर्षे ‘सनातन प्रभात’ ही भूमिका निस्वार्थीपणे पार पाडत आहे. ‘सनातन प्रभात’ व्यावसायिक नव्हे, तर एक आध्यात्मिक वृत्तपत्र आहे. ते ईश्वरी राज्याची स्थापना करण्यासाठी ईश्वराच्या उपदेशानुसार भारताला ‘हिंदु राष्ट्र’ करण्यासाठी तीव्र गतीने मार्गक्रमण करत आहे. वर्धापनदिनाच्या निमित्ताने मी आणि माझ्या संस्थेकडून सनातन प्रभातला खूप खूप हार्दिक शुभेच्छा. धर्मसंस्थापनेची देवता भगवान श्रीकृष्णाच्या चरणी मी प्रार्थना करतो की ‘सनातन प्रभात’ अशाच प्रकारे समाजाला जागृत करत राहो आणि हिंदु राष्ट्रासाठी आपले कर्तव्य पार पाडो.